ბოლო ათწლეულის განმავლობაში, ახლო აღმოსავლეთის რეგიონში კორპორაციების მმართველობებში ცვლილებები განხორციელდა. მიუხედავად იმისა, რომ მსოფლიო მასშტაბით Saudi Aramco უდიდეს კომპანიად იყო აღიარებული, კორპორაციის ფინანსური ოპერაციები 2019 წლამდე საიდუმლოდ რჩებოდა. დღეისთვის საუდის არაბეთის საფონდო ბირჟა საჯაროდ და გამჭვირვალედ მუშაობს.
მნიშვნელოვანი ცვლილებები განიცადა სამთავრობო სექტორმა, ისევე როგორც მონარქიული ოჯახის ბიზნესმა, რომელთა საქმიანობაც, ძირითადად შემთხვევებში, გაუმჭვირვალე იყო.
კორპორაციებისა და ორგანიზაციების მართვის სტანდარტების ცვლილებებმა ახლო აღმოსავლეთის რეგიონის კომპანიების აღმასრულებელი დირექტორების უფლებამოსილებისა და პასუხისმგებლობის დონეც შესაბამისად გაზარდა.
Forbes-ი ახლო აღმოსავლეთის რეგიონში 100 ყველაზე მაღალშემოსავლიანი და გავლენიანი აღმასრულებელი დირექტორის სიას აქვეყნებს. 2021 წლის აღნიშნულ სიაში არიან აღმასრულებელი დირექტორები, რომელთა კომპანიები მნიშვნელოვან გავლენას ახდენს რეგიონის ეკონომიკასა და სტრატეგიულ მნიშვნელობაზე. სიაში ასევე მოხვდნენ დირექტორები, რომელთაც გასული წლის განმავლობაში შესამჩნევი მიღწევები ჰქონდათ.
- რეიტინგის პირველ ადგილს ამინ ჰ.ნასერი იკავებს. ნასერი მსოფლიოში ყველაზე გავლენიანი სანავთობო კომპანიის აღმასრულებელი დირექტორია. Saudi Aramco-ს წმინდა შემოსავალი 2020 წლის პირველი ცხრა თვის განმავლობაში $35 მილიარდი დოლარი იყო. Forbes-ის მიხედვით, კომპანიაში 79,000 ადამიანი მუშაობს.
- სულთანი აჰმედ ალ ჯაბერი – ალ ჯაბერი სათავეში უდგას მსოფლიოს ერთ-ერთ უდიდეს ენერგეტიკულ ფირმას, ADNOC Group-ს (არაბთა გაერთიანებული საამიროები), რომელიც ყოველდღიურად 3.5 მილიონ ბარელზე მეტ ნავთობს აწარმოებს.
- რეიტინგში მესამე ადგილზე აჰმედ ბინ საიდ ალ მაქტუმია. ალ მაქტუმი The Emirates Group-ის აღმასრულებელი დირექტორია. ავიაკომპანია დღეს ექვს კონტინენტზე ახორციელებს ფრენებს. 2020 წელს The Emirates Group-ის შემოსავალი $28,3 მილიარდი დოლარი იყო.
- ჰაშემი ჰაშემი – ჰაშემი ნავთობისა და გაზის სექტორში სამი ათწლეულის განმავლობაში მუშაობდა. დღეს ის Kuwait Petroleum Corporation-ის აღმასრულებელი დირექტორია. კორპორაცია ქუვეითის მშპ-ის ერთ-ერთი ყველაზე მსხვილი კონტრიბუტორია.
- ტუფიკ ჰაკარი – ნავთობისა და გაზის სექტორში ერთ-ერთ წამყვან ალჟირულ კომპანიას, Sonatrach-ს, ტუფიკ ჰაკარი ხელმძღვანელობს.
- საად შერიდა ალ-კააბი – Qatar Petroleum-ის გენერალური დირქტორი. კომპანიის შემოსავლები 2019 წელს $19,7 მილიარდი დოლარი იყო.
- იუსეფ აბდულა ალ-ბენიანი – კომპანია SABIC-ის ვიცე-თავმჯდომარის პოსტს იკავებს. 2020 წელს SABIC-ის შემოსავლებმა $31,1 მილიარდი დოლარი შეადგინა.
- აბდულა მუბარაქ ალ-ხალიფა – ფინანსურ სექტორში ალ-ხალიფა ორ ათეულ წელზე მეტია, მოღვაწეობს. ალ-ხალიფა კომპანია QNB-ის აღმასრულებელი დირექტორია.
- პოლ გრიფიტსი – წარმოშობით ბრიტანელი ბიზნესმენი პოლ გრიფიტსი რეიტინგში მე-9 ადგილზეა. ის Dubai Airports-ის აღმასრულებელი დირექტორის პოსტს იკავებს.
- ოსამა მუნიე მოჰამედ რაბიე – მოჰამედ რაბიე Suez Canal Authority-ის თავმჯდომარეა. Suez Canal Authority-ის შემოსავლები 2020 წელს $5,6 მილიარდი დოლარი იყო.
აღსანიშნავია, რომ გავლენიანი აღმასრულებელი დირექტორების უმრავლესობა ნავთობისა და გაზის სექტორში მოღვაწეობს. მნიშვნელოვანია ითქვას ისიც, რომ Forbes-ის სიაში მხოლოდ სამი ქალი მოხვდა.
- ჰანა ალ როსტამანი რეიტინგში მე-19 ადგილს იკავებს. როსტამანი First Abu Dhabi Bank-ის აღმასრულებელი დირექტორია. აღსანიშნავია, რომ როსტამანი თანამდებობაზე 2021 წლის იანვარში დაინიშნა და უკვე წარმატებულ დირექტორთა სიაშია. First Abu Dhabi Bank-ის შემოსავალი 2020 წელს $2,9 მილიარდი დოლარი იყო.
- ელჰამ იუსრი მაჰფუზი ასევე საბანკო და ფინანსურ სექტორში ხელმძღვანელობს Commercial Bank of Kuwait-ს. მაჰფუზი რეიტინგში 81-ე ადგილზეა.
- ჯალილა მეზნი SAH Group-ის თანადამფუძნებელი და გენერალური დირექტორია. SAH Group-ის შემოსავალმა 2020 წელს $239 მილიონ დოლარს მიაღწია. კომპანიის შემოსავლები 12,6%-ით გაიზარდა 2019 წელთან შედარებით.
Forbes-ის რეიტინგის ბოლო, მე-100 ადგილს ალოკ გუფთა იკავებს. მისი კომპანია Y. K. Almoayyed & Sons ახლო აღმოსავლეთის რეგიონში 300-ზე მეტ საერთაშორისო ბრენდს წარმოადგენს, მათ შორისაა: Nissan-ი, Ford-ი, Sony, Nikon-ი და Toshiba.
დატოვე კომენტარი
