WhatsApp-ის მესენჯერი შეიძლება უფუნქციო გახდეს მილიონობით სმარტფონზე 2020 წლიდან, აღნიშნული შეფერხების გამომწვევ მიზეზად მოძველებული iPhone-ები, ვადაგასული Android-ის და Windows Mobile-ის ოპერაციული სისტემები სახელდება. აღნიშნულის შესახებ Daily Mail-ი იუწყება.
WhatsApp-ი ფუნქციონირებას Windows Mobile-ის ტელეფონებზე 2019 წლის 31 დეკემბრის შემდეგ შეწყვეტს, ხოლო Android 2.3.7 და iPhone iOS 8 – თებერვლიდან.
Facebook-ზე დაფუძნებული კომპანია აცხადებს, რომ კომპანია ფოკუსირებულია “იმ მობილურ პლატფორმებზე, რომელსაც ხალხის უმრავლესობა იყენებს”.
კომპანიამ ადრე აღნიშნა, რომ Android 2.3.7 და iOS 7-ის მომხმარებელთათვის მალე გახდება შეუძლებელი ახალი ექაუნთების შექმნა. გარდა ამისა, სხვა პროგრამებმაც შეიძლება შეწყვიტოს ფუნქციონირება ზემოთ აღნიშნული ოპერაციული სისტემების ქონის შემთხვევაში.
წყარო: Daily Mail
დატოვე კომენტარი
