მეორადი ტანსაცმლის ელექტრონული კომერციის პლატფორმა Vinted-ი სულ უფრო და უფრო პოპულარული ხდება ევროპაში. კომერციულმა პლატფორმამ უკვე შეძლო 140 მილიონი აშშ დოლარის (128 მილიონი ევრო) შემოსავალის მიღება, თავად პლატფორმა კი 1.1 მილიარდ დოლარად (1 მილიარდი ევრო) არის შეფასებული.
კომპანია, რომელიც 2008 წელს დაფუძნდა, მეორადი ტანსაცმლის გლობალურ ბაზარზე კიდევ უფრო გაფართოებას გეგმავს. Vinted-ის პლაფრომა 25 მილიონ წევრს აერთიანებს 12 ქვეყნიდამ, მათ შორის საფრანგეთი, გერმანია, ლიტვა, აშშ, ბელგია, ესპანეთი და სხვა. კომპანიაში 300 ადამიანია დასაქმებული.
Vinted-ი აცხადებს, რომ მეორადი ტანსაცმლის ევროპული ბაზარი ამჟამად 14 მილიარდ დოლარად (13 მილიარდი ევრო) არის შფასებული. ხოლო როგორც ანალიტიკური კომპანია GlobalData აღნიშნავს, მეორადი გაყიდვების ბაზრის ღირებულებამ 2023 წლისთვის შეიძლება 51 მილიარდ დოლარს მიაღწიოს.
დატოვე კომენტარი
