საქართველოს საგადასამხდელო ბალანსის მიხედვით, მიმდინარე წლის პირველ კვარტალში, გასული წლის პირველ კვარტალთან შედარებით, საქართველოს საქონლით ვაჭრობის ბალანსი 121 მლნ დოლარით (-14%) გაუარესდა. 12 მლნ დოლარით (-5.3%) გაურესდა მომსახურებით ვაჭრობის ბალანსი. უცხოეთიდან ფულადი გზავნილები 25 მლნ დოლარით (7%) შემცირდა. 59 მლნ დოლარით ნაკლები შემოსავალი მიიღეს უცხოელებმა საქართველოში. ჯამში საქართველოს მიმდინარე ანგარიშის დეფიციტი 99 მლნ დოლარით (27%) გაიზარდა.
საგადასამხდელო ბალანსის ფინანსური ანგარიში 66 მლნ დოლარით (17.6%) გაუმჯობესდა, რაც განაპირობა სხვა ინვესტიციების 247 მლნ დოლარით (344%) ზრდამ. პირდაპირი უცხოური ინვესტიციების წმინდა შემოსვლა 115 მლნ დოლარით (49.4%) შემცირდა. 185 მლნ დოლარით შემცირდა ქვეყნის სარეზერვო აქტივები. სხვა ინვესტიციების ზრდა ძირითადად კომერციული ბანკების მიერ მოზიდულმა უცხოურმა სესხებმა და დეპოზიტებმა განაპირობეს. აღნიშნულ პერიოდში კომერციულმა ბანკებმა 152 მლნ დოლარით მეტი მოიზიდეს საზღვარგარეთიდან ვიდრე გადაიხადეს.
საქართველოს საგადასახდელო ბალანსი
(მლნ აშშ დოლარი) | I კვ. 2014 | I კვ. 2015 | სხვაობა |
მიმდინარე ანგარიში | -366 | -465 | -99 |
საქონელი | -850 | -971 | -121 |
ექსპორტი | 983 | 727 | -255 |
იმპორტი | -1 832 | -1 698 | 134 |
მომსახურება | 227 | 215 | -12 |
ექსპორტი | 600 | 602 | 2 |
იმპორტი | -373 | -388 | -14 |
შემოსავალი | -98 | -39 | 59 |
მიმდინარე ტრანსფერტები | 355 | 330 | -25 |
ფინანსური ანგარიში | 376 | 442 | 66 |
პირდაპირი ინვესტიციები | 232 | 117 | -115 |
საზღვარგარეთ | -40 | -58 | -18 |
საზღვარგარეთიდან | 272 | 175 | -96 |
პორტფელის ინვესტიციები | -17 | -38 | -22 |
სხვა ინვესტიციები | -72 | 175 | 247 |
სარეზერვო აქტივები | 229 | 185 | -44 |
