საქართველოს ინოვაციებისა და ტექნოლოგიების სააგენტოს (GITA) დაფინანსებული სტარტაპების მიერ მოზიდული ქართული და უცხოური ინვესტიციები ჯამში 150 მილიონ ლარს აღემატება.
ცნობისთვის, 2014 წლიდან, ინოვაციებისა და ტექნოლოგიების სააგენტოს დაარსებიდან დღემდე, 300-მდე სტარტაპზე ჯამურად 9 028 664 ლარი გაიცა.
როგორც Forbes Georgia-ს GITA-ში განუცხადეს, ინვესტიციების მოცულობისა და მოგების მიხედვით ყველაზე წარმატებული ტექნოლოგიური სტარტაპი არის Pulsar AI, რომელიც ცოტა ხნის წინ გლობალურ ბაზარზე გაიყიდა. ის ავტოინდუსტრიაში ი ციფრული გაყიდვების სისტემების გლობალურმა ლიდერმა კომპანიამ, SpinCar-მა იყიდა.
როგორც GITA-ში აცხადებენ, Pulsar-ის ავტომატური კომუნიკაციის SpinCar-ის ციფრული გაყიდვების პროდუქტებთან ინტეგრირების გადაწყვეტილება მნიშვნელოვნად ზრდის კომპანიის მიერ დილერებისათვის შეთავაზებულ სერვისებს, რაც ონლაინგაყიდვებში ხელს მეტი მომხმარებლის ჩართვას შეუწყობს. Pulsar-ი პირველი ქართული ტექნოლოგიური სტარტაპი გახდა, რომელმაც წარმატებული გლობალური “Exit”-ი მოახერხა.
წარმატებულ სტარტაპებს შორის ასევე არიან Agrolabs-ი, Payze-ი, Cardeal-ი, Phubber App-ი და Stack-ი, – მათ ყველაზე მეტი ინვესტიციის მოზიდვა შეძლეს.
აღსანიშნავია, რომ ინოვაციებისა და ტექნოლოგიების სააგენტო 100 000-ლარიან თანადაფინანსების საგრანტო პროგრამაზე განაცხადების მიღებას წელიწადში ორჯერ აცხადებს და თითო კონკურსზე დაახლოებით 20 გამარჯვებულს გამოავლენს.
GITA-მ 2021 წლის საგრანტო პროგრამაზე განაცხადების მიღება უკვე მეორედ გამოაცხადა და ის ახლაც მიმდინარეობს.
დატოვე კომენტარი
