საფრანგეთის უმდიდრესი ადამიანის ბერნარ არნოს ჰოლდინგურმა კომპანიამ მედია და საგამომცემლო კონგლომერატში Lagardere-ში წილი შეიძინა. შედეგად ახლა Groupe Arnault მედიაორგანიზაციაში 5%-ს ფლობს.
ცნობისთვის, არნო ფლობს კომპანია LVMH-ს, რომელიც აერთიანებს ისეთ ბრენდებს, როგორიცაა Louis Vuitton და Dior. თავად ბერნარ არნო და მისი ოჯახი Forbes-ის მონაცემებით, $113.3 მილიარდის ქონებას ფლობს.
გარდა ფრანგი მილიარდერისა, ცნობილი გახდა, რომ მედია კომპანიაში აქციების შეძენა გადაწყვიტა ამერიკელი მილიარდერი ინვესტორის უორენ ბაფეტის Berkshire Hathaway-მაც. როგორც უცხოური მედია წერს, კონგლომერატი $600 მილიონის ინვესტირებას აპირებს მედიაჯგუფ EW Scripps-ში, რათა მას დაეხმაროს ამერიკული სამაუწყებლო კომპანია ION Media-ს შეძენაში. ამის შესახებ Wall Street Journal-ს საქმეში გარკვეულმა წყარომ აცნობა.
გავრცელებული ცნობით, Berkshire Hathaway-ი 23.1 მილიონ A კლასის თითო აქციას მედიაკომპანიაში $13-ად იყიდის.
EW Scripps-ი ამერიკული სამაუწყებლო კომპანიაა, რომელიც 1878 წელს დაარსდა. აღნიშნული კომპანია მეორე უმსხვილესი ოპერატორია ისეთი მედია ორგანიზაციის, როგორიცაა ABC.
დატოვე კომენტარი
