ამერიკულმა Forbes-მა 2023 წლის მსოფლიოს ყველაზე მაღალშემოსავლიანი ფეხბურთელების რეიტინგი გამოაქვეყნა. გამოცემის დათვლებით, მთლიანობაში, მსოფლიოს თერთმეტი ყველაზე მაღალშემოსავლიანი ფეხბურთელი, სავარაუდოდ, ამ სეზონში 995 მილიონ აშშ დოლარს გამოიმუშავებს (გადასახადებისა და აგენტების გადასახადის გარეშე).
Forbes-ის განახლებულ რეიტინგში შემავალი ფეხბურთელების მიერ გამომუშავებული თანხა, გასული სიის წევრების მიერ მიღებულ შემოსავალს 53%-ით აჭარბებს. მაშინ ათმა მოთამაშემ ანაზღაურების სახით ჯამურად რეკორდული $652 მილიონი მიიღო. აღსანიშნავია, რომ საუდის არაბეთის პრო-ლიგის მოთამაშეებმა წელს Forbes-ის სიაში ოთხი ადგილი მოიპოვეს და ტოპ-11-ის მიერ გამომუშავებული თანხის ნახევარზე მეტი სწორედ მათზე მოდის, დიდწილად მოედანზე მოგებიანი გარიგებების წყალობით.
კრიშტიანუ რონალდუ, რომელიც 2021 წელს ყველაზე მაღალშემოსავლიანი ფეხბურთელების სიას ლიდერობდა, 2023 წლის რეიტინგშიც პირველ ადგილზეა, 260 მილიონი აშშ დოლარის ოდენობის ნავარაუდევი შემოსავლით. ვარაუდობენ, რომ რონალდუ მოედანზე 200 მილიონ აშშ დოლარს გამოიმუშავებს, თუმცა, როგორც ცნობილია, მისი გარიგება მოიცავს თამაშისთვის გამოყოფილ ხელფასს, ასევე შემოსავალს მისი კლუბის, Al Nassr-ის მიერ ხელშეწყობილი კომერციული ხელშეკრულებებიდან. გარდა ამისა, აღსანიშნავია, რომ პორტუგალიელ ფეხბურთელს კვლავ აკავშირებს თანამშრომლობა Nike-სა და Jacob & Co-სთან, რისი წყალობითაც ის ყოველწლიურად $60 მილიონს გამოიმუშავებს.
შეგახსენებთ, რონალდუ საუდის არაბეთის პრო-ლიგაში მიმდინარე წლის დასაწყისში, Manchester United-იდან კლუბის ხელმძღვანელობასთან უთანხმოების შემდეგ გადავიდა, რამაც, შესაძლოა ითქვას, სამეფოში ფეხბურთის ვარსკვლავების შედინებას სათავე დაუდო.
რონალდუსგან განსხვავებით საუდის არაბეთში თამაშის სანაცვლოდ რეკორდულ შეთავაზებაზე უარი თქვა ფეხბურთში მისმა მთავარმა ოპონენტმა, ლიონელ მესიმ. 36 წლის არგენტინელმა, რომელსაც Al Hilal-ი, სხვადასხვა წყაროს ცნობით, სეზონში დაახლოებით $400 მილიონს სთავაზობდა, კარიერის გაგრძელება აშშ-ის MLS-ში, Inter Miami-ში ამჯობინა. მესი Forbes-ის წლევანდელ სიაში მე-2 ადგილს იკავებს, 135 მილიონი აშშ დოლარით. აქედან $65 მილიონი – მოედანზე, ხოლო $70 მილიონი მოედანს მიღმა გამომუშავებულ თანხაზე მოდის.
Forbes-ის სიაში მესისა და საუდის არაბეთის პრო-ლიგაში მოთამაშე ფეხბურთელების გარდა, რომელთა შორის რონალდუსთან ერთად არიან ქარიმ ბენზემა (Al-Ittihad), სადიო მანე (Al Nassr) და ნეიმარი (Al Hilal), მოთამაშეები ევროპის ტოპ-ლიგებიდანაც მოხვდნენ. განსაკუთრებით საყურადღებოა ფრანგული PSG-ის ფეხბურთელი, კილიან მბაპე, რომელიც გასული წლის პირველი ნომრიდან წელს სიაში მეოთხე ადგილზე ჩამოქვეითდა. თუმცა წლევანდელ რეიტინგში მბაპე ევროპულ კლუბებში მოთამაშეებს შორის ლიდერია, 120 მილიონი აშშ დოლარის ოდენობის შემოსავლით.
2023 წლის ყველაზე მაღალშემოსავლიანი ფეხბურთელები:
#1. კრიშტიანუ რონალდუ – $260 მილიონი
ასაკი: 38 წელი/ კლუბი: Al Nassr / ქვეყანა: პორტუგალია / შემოსავალი მოედნიდან: $200 მილიონი / შემოსავალი მოედნის მიღმა: $60 მილიონი
#2. ლიონელ მესი – $135 მილიონი
ასაკი: 36 წელი/ კლუბი: Inter Miami / ქვეყანა: არგენტინა / შემოსავალი მოედნიდან: $65 მილიონი / შემოსავალი მოედნის მიღმა: $70 მილიონი
#3. ნეიმარი – $112 მილიონი
ასაკი: 31 წელი / კლუბი: Al Hilal / ქვეყანა: ბრაზილია / შემოსავალი მოედნიდან: $80 მილიონი / შემოსავალი მოედნის მიღმა: $32 მილიონი
#4. კილიან მბაპე – $110 მილიონი
ასაკი: 24 წელი / კლუბი: PSG / ქვეყანა: საფრანგეთი / შემოსავალი მოედნიდან: $90 მილიონი / შემოსავალი მოედნის მიღმა: $20 მილიონი
#5. ქარიმ ბენზემა – $106 მილიონი
ასაკი: 35 წელი / კლუბი: Al-Ittihad / ქვეყანა: საფრანგეთი / შემოსავალი მოედნიდან: $100 მილიონი / შემოსავალი მოედნის მიღმა: $6 მილიონი
#6. ერლინგ ჰაალანდი – $58 მილიონი
ასაკი: 23 წელი / კლუბი: Manchester City / ქვეყანა: ნორვეგია / შემოსავალი მოედნიდან: $46 მილიონი / შემოსავალი მოედნის მიღმა: $12 მილიონი
#7. მოჰამედ სალაჰი – $53 მილიონი
ასაკი: 31 წელი / კლუბი: Liverpool / ქვეყანა: ეგვიპტე / შემოსავალი მოედნიდან: $35 მილიონი / შემოსავალი მოედნის მიღმა: $18 მილიონი
#8. სადიო მანე – $52 მილიონი
ასაკი: 31 წელი / კლუბი: Al Nassr / ქვეყანა: სენეგალი / შემოსავალი მოედნიდან: $48 მილიონი / შემოსავალი მოედნის მიღმა: $4 მილიონი
#9. კევინ დე ბრუინი – $39 მილიონი
ასაკი: 32 წელი / კლუბი: Manchester City / ქვეყანა: ბელგია / შემოსავალი მოედნიდან: $35 მილიონი / შემოსავალი მოედნის მიღმა: $4 მილიონი
#10. ჰარი კეინი – $36 მილიონი
ასაკი: 30 წელი / კლუბი: Bayern Munich / ქვეყანა: ინგლისი / შემოსავალი მოედნიდან: $26 მილიონი / შემოსავალი მოედნის მიღმა: $10 მილიონი
#11. რობერტ ლევანდოვსკი – $34 მილიონი
ასაკი: 35 წელი / კლუბი: FC Barcelona / ქვეყანა: პოლონეთი / შემოსავალი მოედნიდან: $24 მილიონი / შემოსავალი მოედნის მიღმა: $10 მილიონი
