Forbes Georgia ყოველწლიურ დაჯილდოებას იწყებს

Forbes Woman, Forbes Property, Forbes Entrepreneur, Forbes Startup და Forbes Social Impact – Forbes Georgia ახალ, ყოველწლიურ დაჯილდოებას ამკვიდრებს.

მსოფლიოს წამყვანი ბიზნესგამოცემის ქართულმა გამომცემლობამ მეასე საიუბილეო ნომრის გამოცემის აღნიშვნასთან ერთად პირველი ნომინანტები დაასახელა.

Forbes Woman 2017-ის ჯილდო Anaklia City-ის გენერალურ დირექტორს ქეთი ბოჭორიშვილს ერგო.

Forbes Property-ის ნომინაციაში გამარჯვებულად კომპანია “ალიანს ჯგუფი” დასახელდა.

Forbes Startup 2017 კომპანია Wifisher გახდა. წლის Forbes Social Impact-ის ჯილდო კომპანია “ტრიპექსს” ერგო, ხოლო Forbes Entrepreneur ბიზნესმენი თემურ უგულავა გახდა.

Forbes 2017 წელს 100 წლის იუბილეს აღნიშნავს. ჟურნალი 20-ზე მეტ ენაზე მსოფლიოს 50-ზე მეტ ქვეყანაში გამოიცემა. მსოფლიოს წამყვანი ბიზნესგამოცემა საქართველოში 2011 წელს შემოვიდა. Forbes Georgia მსოფლიოს ყველაზე გავლენიანი ბიზნეს-ეკონომიკური ჟურნალის – Forbes-Media N.Y.-ის ლიცენზირებული, ყოველთვიური გამოცემაა. ჟურნალს გამოსცემს სს “Media Partners” Forbes Media LLC NY სალიცენზიო ხელშეკრულების საფუძველზე.

ქართული გამოცემა აგრძელებს მედიაბრენდის საუკუნოვან ტრადიციას და ქართული ბიზნესსამყაროს ყველაზე გავლენიან არბიტრად გვევლინება.