General Motors-მა ჩინური Great Wall Motor-სთვის ინდოეთის საავტომობილო ქარხნის მიყიდვის პროცესი შეაჩერა. მხარეებმა მარეგულირებლის ნებართვის მიღება ინვესტიციებისადმი ნიუ დელის მკაცრი პოზიციის გამო ვერ შეძლეს.
ჩინურ Great Wall-სა და GM-ს შორის გარიგება ჯერ კიდევ 2020 წლის იანვარში გაფორმდა. ინდოეთის საავტომობილო ბაზარზე გასაფართოებლად SUV-ის ჩინურ მწარმოებელს $1-მილიარდიანი ინვესტირების გეგმები აქვს. მილიარდიანი ინვესტიციიდან კი $300 მილიონი სწორედ GM-ისგან ქარხნის შესაძენად იყო გათვლილი. აღსანიშნავია, რომ ორჯერ გახანგრძლივებულ ხელშეკრულებას ვადა 30 ივნისს გაუვიდა.
GM International-ის განცხადებით, კომპანიამ ხელშეკრულებით განსაზღვრულ ვადებში, ჩინური Great Wall-ისგან გარიგებისთვის საჭირო თანხმობა ვერ მიიღო. მიუხედავად ამისა, ინდოეთში GM-ის პოზიცია უცვლელია და ობიექტის გასაყიდად სხვა ალტერნატივების შესწავლასაც იწყებს. კომპანია იმედს გამოთქვამს, რომ ამჟამად, აქტივის ღირებულებასთან შესაბამისი გარიგების მიღწევას შეძლებს. რაც შეეხება Great Wall-ს, ჩინური ავტომწარმოებელი ინდოეთში გასაფართოებლად ახალი შესაძლებლობების ძიებას აგრძელებს.
ინდოეთის მთავრობამ 2020 წელს, მეზობელი ქვეყნებიდან, მათ შორის ჩინეთიდან ინვესტიციების შემოდინება შესახებ რეგულაციები გაამკაცრა. შეზღუდვებმა ისეთი ინდუსტრიებში, როგორებიცაა საავტომობილო და ტექნოლოგიური სექტორები, მილიარდობით დოლარის ინვესტირებები შეაჩერა. შეზღუდვები დიპლომატიური ურთიერთობების გაუარესებას მოჰყვა, რის შედეგადაც ნიუ დელიმ 300-ზე მეტი ჩინური აპლიკაცია, მა შორის TikTok-ი აკრძალა.
დატოვე კომენტარი
