კომპანია Tesla-მ მიმდინარე წლის პირველ კვარტალში რეკორდული რაოდენობის ელექტრომობილის წარმოება შეძლო. საერთო ჯამში, სამ თვეში კომპანიამ 422,875 ერთეული ელექტრომობილი გამოუშვა, რაც 36%-ით მეტია წინა წლის ანალოგიური პერიოდის მაჩვენებელზე და 4%-ით აღემატება გასული კვარტალის შედეგებს.
ყველაზე დიდი რაოდენობით წარმოებულ ელექტრომობილებს შორის, რა თქმა უნდა, Tesla-ს შედარებით ბიუჯეტური ავტომობილი, Model 3-ია, რომელსაც რაოდენობით ქროსოვერი Model Y მოჰყვება.
Tesla-ს დირექტორის, ილონ მასკის განცხადებით, აშშ-ის, გერმანიისა და ჩინეთის ქარხნებით სრული დატვირთვით ჯერაც არ მუშაობენ, შესაბამისად, კომპანიას გაცილებით უფრო მეტის საწარმოო პოტენციალი აქვს.
რეკორდული შედეგის მიუხედავად, პირველ კვარტალში ანალიტიკოსები დაახლოებით 10,000 ერთეულით მეტი ელექტრომობილის წარმოებას პროგნოზირებდნენ.
დატოვე კომენტარი
