შინაგან საქმეთა სამინისტროს ინფორმაციით, მიმდინარე წლის ნოემბერში, 2016 წლის ნოემბერთან შედარებით, საქართველოში შემოსულ ტურისტთა რაოდენობა 22%-ით გაიზარდა. 2016 წლის ნოემბერში 165 012 ტურისტი შემოვიდა, ხოლო 2017 წლის ნოემბერში 201 056. ვიზიტორების რაოდენობა, რომელიც ტურისტებთან ერთად, ტრანზიტს და სხვა კატეგორიებს მოიცავს, ოქტომბერში 14%-ით გაიზარდა და 524 108 შეადგინა.
იანვარ-ნოემბერში 27.6%-ით მეტი ტურისტია შემოსული, ჯამში 3 243 963. ვიზიტორების რაოდენობა კი 18.4%-ით გაიზარდა და ჯამში 6 954 932 ვიზიტორი შემოვიდა.
ნოემბერში ყველაზე მეტი (141 487) ვიზიტორი სომხეთიდან შემოვიდა. მეორე ადგილზე აზერბაიჯანია 125 795 ვიზიტორით, ხოლო მესამეზე თურქეთია 98 725 ვიზიტორით. მეოთხე ადგილს რუსეთი იკავებს 82 117 ვიზიტორით.
ცხრილი: 10 ქვეყანა, საიდანაც ნოემბერში საქართველოში ყველაზე მეტი ვიზიტორი შემოვიდა
ქვეყანა | 2017: ნოემბერი | 2016: ნოემბერი | ცვლილება% |
სომხეთი | 141,487 | 132,017 | 7% |
აზერბაიჯანი | 125,795 | 113,156 | 11% |
თურქეთი | 98,725 | 92,461 | 7% |
რუსეთი | 82,117 | 60,721 | 35% |
ირანი | 15,527 | 8,064 | 93% |
უკრაინა | 11,004 | 10,706 | 3% |
ისრაელი | 5,852 | 4,111 | 42% |
ინდოეთი | 5,152 | 3,664 | 41% |
ყაზახეთი | 2,513 | 2,249 | 12% |
ბელარუსი | 2,371 | 1,676 | 41% |
წყარო: საქართველოს ტურიზმის ეროვნული ადმინისტრაცია
დატოვე კომენტარი
