საზღვარგარეთ დასაქმებულთა მიერ საქართველოში გადმორიცხული თანხები 2016 ნოემბერში წინა წლის ნოემბერთან შედარებით 12.6 მლნ დოლარით (15%-ით) გაიზარდა. 2014 წლის ნოემბერთან შედარებით კი 6.5 მლნ დოლარით არის შემცირებული. ნოემბერში სულ 98 მლნ დოლარი გადმოირიცხა. მიმდინარე წლის იანვარ-ნოემბერში, ჯამში გზავნილები 54 მლნ დოლარით არის გაზრდილი.
გზავნილების ზრდა მნიშვნელოვანწილად თურქეთიდან, აშშ-დან, ისრაელიდან და რუსეთიდან ჩამორიცხვების ზრდამ განაპირობა. მიმდინარე წლის ნოემბერში წინა წლის ნოემბერთან შედარებით, თურქეთიდან ჩამორიცხვები 3.2 მლნ დოლარით გაიზარდა, რუსეთიდან 2 მლნ დოლარით, აშშ-დან და ისრაელიდან შესაბამისად 2.1 და 2.8 მილიონი დოლარით გაიზარდა.
დატოვე კომენტარი
