28 იანვარს ფეხბურთის ასოციაციათა საერთაშორისო ფედერაციამ (FIFA) გამოაქვეყნა ყოველწლიური ანგარიში, რომელიც პროფესიონალ ფეხბურთელთა გლობალური სატრანსფერო ბაზრის მონაცემებს ასახავს.
ანგარიშის მიხედვით, 2014 წელს ფეხბურთელთა საერთაშორისო ტრანსფერების რაოდენობა 2.9 პროცენტით გაზარდა წინა წელთან შედარებით – სულ 13 090 ტრანსფერი შედგა (12 718 ტრანსფერი – 2013 წელს). სატრანსფერო თანხების ჯამურმა რაოდენობამ პირველად გადააჭარბა 4 მილიარდ დოლარს და $4.06 მილიარდი შეადგინა ($3.98 მილიარდი – 2013 წელს).
ბრაზილია ყველაზე აქტიური ქვეყანა იყო 2014 წლის სატრანსფერო ბაზარზე, ერთი წლის განმავლობაში ბრაზილიაში 646 უცხოელი ფეხბურთელი ჩავიდა, ხოლო ქვეყნიდან 689 მოთამაშე გავიდა.
ინგლისმა ყველაზე მეტი ($1.17 მილიარდი) დახარჯა სატრანსფერო ბაზარზე, ესპანეთმა კი ყველაზე მეტი მიიღო – 667 მილიონი დოლარი.
დატოვე კომენტარი
