რამდენ დოლარს ყიდულობენ და ყიდიან ბანკები?

საქართველოს ეროვნული ბანკი (სებ) პერიოდულად აქვეყნებს მონაცემებს იმის შესახებ, თუ რამდენ აშშ დოლარს ყიდულობენ და ყიდიან საქართველოში მოქმედი კომერციული ბანკები სავალუტო ბაზარზე. 2013-2016 წლებში ბანკები წელიწადში საშუალოდ 13.5 მილიარდ დოლარს ყიდულობდნენ და 14 მილიარდ დოლარს ყიდდენ. ანუ სავალუტო ბაზარს უფრო მეტ დოლარს აწვდიდნენ, ვიდრე ბაზრიდან ყიდულობდნენ. 2017 წლის 9 თვეში (იანვარ-სექტემბერი) ბანკებმა 9.5 მილიარდი დოლარი იყიდეს და 10 მილიარდი დოლარი გაყიდეს.

კომერციულ ბანკებს შორის აშშ დოლარით ვაჭრობა (რომელიც ბლუმბერგის სავაჭრო სისტემის მეშვეობით ხორციელდება და ლარის ოფიციალური კურსის განსაზღვრის საფუძველია) წელიწადში 1.2-დან 2.2 მილიარდ დოლარს შორის მერყეობს. 2017 წლის მონაცემებს თუ სამუშაო დღეებზე გადავთვლით, გამოვა, რომ ბანკებს შორის ყოველდღიურად 6 მლნ დოლარის ყიდვა-გაყიდვა ხდება. რამდენ დოლარს შეისყიდიან ბანკები ერთმანეთისგან, ამას ბანკების მიმართ დოლარზე მოთხოვნა განსაზღვრავს.

2017 წლის 9 თვეში ბანკებმა ერთმანეთისგან შეიძინეს 1.1 მილიარდი დოლარი, არარეზიდენტი კომერციული ბანკებისგან 3.2 მილიარდი დოლარი, ხოლო იურიდიული და ფიზიკური პირებისგან 5.1 მილიარდი დოლარი.

ცხრილი: ბანკების მიერ სავალუტო ბაზარზე აშშ დოლარით განხორციელებული ვაჭრობის შედეგები, მლნ აშშ დოლარი

	ბანკების მიერ ნაყიდი დოლარი					ბანკების მიერ გაყიდული დოლარი
	სულ	სებ–ის სავალუტო აუქციონზე	კომერც. ბანკებიდან	არარეზ. ბანკებიდან	იურდ. და ფიზ. პირებისგან	სულ	სებ–ის სავალუტო აუქციონზე	კომერც. ბანკებზე	არარეზ. ბანკებზე	იურდ. და ფიზ. პირებზე
2013	14,120	240	1,554	5,688	6,638	14,333	540	1,554	6,272	5,967
2014	13,164	300	2,017	4,478	6,370	13,645	200	2,017	4,966	6,462
2015	12,694	287	1,189	5,962	5,256	13,435		1,189	6,760	5,486
2016	14,152	280	2,155	5,841	5,877	14,570	278	2,155	6,387	5,749
2017	9,452		1,085	3,239	5,128	10,014	130	1,085	3,395	5,405
იან	1,246		97	723	426	1,243		97	693	453
თებ	1,102		86	539	478	1,115		86	537	492
მარ	1,268		106	543	619	1,431		106	621	704
აპრ	756		85	294	377	838	20	85	333	400
მაი	1,018		136	252	630	1,198		136	334	728
ივნ	1,210		157	367	685	1,183	70	157	293	662
ივლ	934		141	171	622	941		141	200	600
აგვ	937		135	147	655	1,005	40	135	179	650
სექტ	980		140	204	636	1,060		140	204	716