ფლობდე გამოწვევებთან გამკლავების უფრო ეფექტიან საშუალებებს, გქონდეს მეტ ინფორმაციაზე ხელმისაწვდომობა, შეგეძლოს პროცესებზე მუდმივი დაკვირვება და მათი დეტალური ანალიზი და, რაც მთავარია, გქონდეს უფრო შემოქმედებითი და საინტერესო ყოველდღიურობა – ასე შეგვიძლია მოკლედ გავცეთ პასუხი ჩვენი სტატიის მთავარ კითხვას – რას ნიშნავს იყო თანამედროვე ფერმერი?
თანამედროვე ფერმერობის სხვადასხვა კომპონენტებს კი ვრცლად ქვემოთ განვიხილავთ, რაშიც „აგროსფერო“ დაგვეხმარება, კომპანია, რომელიც მთლიანად თანამედროვეობის კონცეფციას ეფუძნება და ფერმერებისთვის დღეს არსებულ შესაძლებლობებზე ხელმისაწვდომობის გაზრდას ემსახურება.
იყო თანამედროვე ფერმერი, ნიშნავს მიჰყვე ზუსტ სოფლის მეურნეობას
ზუსტი სოფლის მეურნეობის ცნება მას შემდეგ გაჩნდა, რაც მოწინავე ტექნოლოგიებმა ნიადაგზე, ამინდსა და სხვა გარემო ფაქტორებზე დაკვირვება და მათზე მონაცემების შეგროვება გახადა შესაძლებელი. აგრომეურნეობაში ეს არის მიდგომა, რომლის დროსაც ფერმერები გადაწყვეტილებებს ამ მონაცემებზე დაყრდნობით იღებენ.
მაგალითად, თანამედროვე მეტეო სადგურით შესაძლებელია გაიზომოს ნიადაგისა და ჰაერის ტემპერატურა თუ ტენიანობა, მზის გამოსხივების ინტენსივობა, ქარის სიჩქარე და შემოწმდეს სხვა მაჩვენებლები, რაც უმნიშვნელოვანესია შემდეგი ღონისძიებების სწორად დაგეგმვისთვის. ამასთან ერთად, ამ და სხვა მოწყობილობების დახმარებით, ფერმერები მარტივად ახდენენ დაავადებების პროგნოზირება/მოდელირებასა თუ სხვა საჭიროებების იდენტიფიცირებას.
იყო თანამედროვე ფერმერი, ნიშნავს მიმართავდე ლაბორატორიულ ანალიზებს
თანამედროვე აგრომეურნეობაში უდიდესი ადგილი უჭირავს ლაბორატორიულ ანალიზებს. ამგვარი კვლევები ნიადაგის, წყლისა თუ ფოთლის ქიმიური, ფიზიკური და ბიოლოგიური მდგომარეობის შესახებ გვაძლევს ინფორმაციას და გვიმარტივებს შემდეგი პროცედურების დაგეგმვას, როგორიცაა კულტურისთვის საჭირო საკვები ნივთიერების ტიპისა თუ რაოდენობის შერჩევა და სხვა. ეს კი, ფერმერს რესურსების გონივრულად გამოყენებაში, ფინანსების დაზოგვაში, ჯანსაღი მოსავლის მიღებასა და ბუნებაზე ზემოქმედების მინიმუმამდე შემცირებაში ეხმარება.
იყო თანამედროვე ფერმერი, ნიშნავს არჩევანს აკეთებდე ინოვაციურ სასოფლო-სამეურნეო პროდუქციაზე
ცხადია, მოსავლის სიჯანსაღესა და რაოდენობას ბევრი ფაქტორი განსაზღვრავს, თუმცა სათესლე მასალები, სასუქი თუ მცენარეთა დაცვის საშუალებები მათ შორის ერთ-ერთი უმთავრესია. დღეს ბაზარზე არსებული თანამედროვე პროდუქცია ფერმერებს მნიშვნელოვნად უმცირებს წარუმატებლობისა და დანაკარგის რისკებს. მაგალითად, ინოვაციური სათესლე მასალები რეზისტენტულია ყინვის, გვალვისა თუ სხვა გარემო პირობების მიმართ, იძლევა უფრო ჯანსაღ და ხარისხიან ნაყოფს, ინოვაციური მცენარეთა დაცვის საშუალებები კი გაცილებით უკეთ უმკლავდება სხვადასხვა მწერსა თუ დაავადებას.
იყო თანამედროვე ფერმერი, ნიშნავს იყენებდე თანამედროვე აგროტექნიკას
აგროტექნიკა მნიშვნელოვნად ამსუბუქებს შრომას, ზოგავს ადამიანურ და ფინანსურ რესურსსა თუ დროს. თუმცა, როგორც ხშირად გვგონია ხოლმე, ეს მისი ერთადერთი უპირატესობა არ არის. თანამედროვე ტექნიკა დღეს გაცილებით დიდ როლს ასრულებს აგრომეურნეობაში, მაგალითად, მოსავლის აღების დროის შემცირებასთან ერთად, იკლებს ნაყოფის გადამწიფებისა და დაზიანების რისკებიც, ის გვეხმარება მოსავლის გადახარისხებაში, უკეთ გადამუშავებასა და მაღალი ხარისხის პროდუქტის შექმნაში.
იყო თანამედროვე ფერმერი, ნიშნავს თანამშრომლობდე „აგროსფეროსთან“
„აგროსფეროში“ სჯერათ, რომ სოფლის მეურნეობის განვითარების ერთადერთი გზა თანამედროვე ფერმერობაზე გადის და რომ მაღალი ხარისხისა და უხვი მოსავლის მოყვანა, თანაც მცირე დანახარჯითა და ძალისხმევით მხოლოდ ამ შემთხვევაში ხდება შესაძლებელი.
თავად „აგროსფერო“ 18 წელზე მეტია პარტნიორ ფერმერებს ინოვაციური სოფლის მეურნეობის პროდუქციითა და ტექნოლოგიებით უზრუნველყოფს. ის აერთიანებს 70-ზე მეტ პრემიუმ ბრენდს, როგორებიცაა BAYER, YARA, CLAAS, PELLENC, IRRITEC, SAATBAU, PALL და სხვა. მისი პროდუქცია მოიცავს ყველაფერს, რაც თანამედროვე ფერმერს შეიძლება დასჭირდეს, მათ შორის, მცენარეთა დაცვის საშუალებებს, სათესლე მასალას, სასუქებს, სარწყავ თუ საფილტრაციო სისტემებს, სასოფლო-სამეურნეო ხელსაწყოებს და აგრო ტექნიკას.
თუმცა ის, რაც „აგროსფეროს“ გამოარჩევს მხოლოდ თანამედროვე და პრემიუმ პროდუქცია არ არის. მისი პროფესიონალთა გუნდი ფერმერებს უწევს აგრო-კონსულტაციასაც, მუდმივად აცნობს დარგში არსებულ სიახლეებს და ინოვაციური მიდგომების დანერგვაში ეხმარება. S
დატოვე კომენტარი
