როგორ გაზარდა აქციზის გადასახადის მატებამ ბიუჯეტის შემოსავლები

2017 წლის პირველ ნახევარში საქართველოს სახელმწიფო ბიუჯეტში აქციზის გადასახადიდან 661 მლნ ლარის შემოსავალი შევიდა, რაც 169 მლნ ლარით (34%-ით) მეტია 2016 წლის ანალოგიური პერიოდის მაჩვენებელზე. ფინანსთა სამინისტროს 2017 წლის პირველ ნახევარში აქციზის გადასახადიდან 742 მლნ ლარის მიღება ჰქონდა დაგეგმილი, ანუ გეგმის შესრულებას 81 მლნ ლარი დააკლდა და შესაბამისად, 89%-ით შესრულდა.

აქციზიდან საგადასახადო შემოსავლების მატებას აქციზის გაზრდილი განაკვეთები განაპირობებს. თამბაქოზე აქციზიდან 39 მლნ ლარით მეტი შემოსავალი შევიდა ბიუჯეტში მიმდინარე წლის იანვარ-ივნისში. ყველაზე მაღალი ზრდა ბენზინის დაბეგვრიდან არის – 61 მლნ ლარი. ბენზინზე აქციზის და შესაბამისად ბენზინის ფასის ზრდის მიუხედავად, მისი მოხმარება გაზრდილია. იგივე მდგომარეობაა დიზელთან დაკავშირებითაც.

ბიუჯეტის გეგმის მიხედვით, 2017 წელს აქციზის გადასახადიდან ბიუჯეტში ჯამში 1 627 მლნ ლარის შემოსავალი უნდა შევიდეს.

ცხრილი: სახელმწიფო ბიუჯეტის შემოსავალი აქციზის გადასახადიდან, იანვარ-ივნისი

მლნ ლარებში	2016	2017	ზრდა
აქციზი	493	661	169
თამბაქო	266	305	39
არაყი	11	10	-1
ლუდი	22	22	0
ბენზინი	53	114	61
დიზელი	36	88	52
მსუბუქი ავტომობილები	49	62	13
სხვა	56	61	5