რომელ ბანკებს აქვთ ყველაზე მეტი “უმოქმედო სესხი”

600 000-მდე პირს ჯამში 1.5 მილიარდი ლარის დავალიანება ჩამოეწერება, რომელიც მათ სხვადასხვა საბანკო და არასაბანკო საფინანსო კომპანიებში აქვთ დაგროვილი.

მთავრობის ეს ინიციატივა 15 დეკემბრიდან დაიწყება და 31 დეკემბრამდე ნახევარ მილიონზე მეტ ადამიანს “ვალი გაუნულდება”. როგორც ცნობილია, თანხას ფონდი “ქართუ” დაფარავს, თუმცა რა სქემით და როგორ მოხდება თანხების ჩამოწერა კონკრეტული გეგმა ცნობილი არაა. ცნობილია ის, რომ ინიციატივა იმ ე.წ. “გაფუჭებულ სესხებს” შეეხება, რომელთა ძირი თანხა 2000 ლარს არ აღემატება.

“ფორბსი” დაინტერესდა, თუ რომელ ბანკს აქვს ყველაზე მეტი “უმოქმედო სესხი” და რა წილი უკავიათ მათ მთლიან სესხებში.

ეროვნული ბანკის ბოლო მონაცემებით, სექტემბერში ვადაგადაცილებული სესხები (90 და მეტი დღით გადაცილებული სესხები) 6.7 მლნ ლარით შემცირდა და 397.6 მლნ ლარს გაუტოლდა. მათი წილი კომერციული ბანკების საკრედიტო პორტფელში 1.6 პროცენტი იყო. ვადაგადაცილებული სესხების 51.9 პროცენტი კი ეროვნული ვალუტით არის დენომინირებული.

მთლიან სესხებში უმოქმედო სესხების წილი (2018 წლის მესამე კვარტლის მონაცემებით) ყველაზე დიდი ბანკი ქართუს შემთხვევაშია, ყველაზე მცირე მოცულობით მსგავსი სესხები კი პაშა ბანკს აქვს.

საქართველოს ბანკი

მთლიანი სესხები: 8 264 305 141 ლარი

უმოქმედო სესხების წილი მთლიან სესხებში – 4.9%

თიბისი ბანკი

მთლიანი სესხები: 9 589 559 277 ლარი

უმოქმედო სესხების წილი მთლიან სესხებში – 3.79%

ქართუ ბანკი

მთლიანი სესხები: 815 151 230 ლარი

უმოქმედო სესხების წილი მთლიან სესხებში – 35.2%

ბაზისბანკი

მთლიანი სესხები: 881 716 240 ლარი

უმოქმედო სესხების წილი მთლიან სესხებში – 4.36%