დღეს საქართველოს სტატისტიკის ეროვნული სამსახურმა 2017 წლის მესამე კვარტალში დაქირავებით დასაქმებულთა საშუალო თვიურ ხელფასებზე ინფორმაცია გამოაქვეყნა. მესამე კვარტლის საშუალო თვიურმა ხელფასმა 1 069 ლარი შეადგინა. 2016 წლის მესამე კვარტალთან შედარებით საშუალო თვიური ხელფასი 9%-ით არის გაზრდილი.
2017 წლის მესამე კვარტალში ყველაზე მაღალი საშუალო ხელფასი დაფიქსირდა მშენებლობის სექტორში – 2000 ლარი. მეორე ადგილზეა საფინანსო საქმიანობა – 1861 ლარით, ხოლო მესამეზე სამთომომპოვებითი მრეწველობაა – 1338 ლარით. ყველაზე დაბალი ხელფასი განათლების სფეროშია – თვეში საშუალოდ 566 ლარი. შემდეგ მოდის სოფლის მეურნეობა – 743 ლარით.
2016 მესამე კვარტალთან შედარებით, საშუალო თვიური ხელფასი ყველაზე მეტად მშენებლობაში გაიზარდა – 36.9%-ით. შემდეგ მოდის სოფლის მეურნეობა 25.5%-ით. ხელფასი შემცირდა მხოლოდ სახელმწიფო მმართველობაში – 4.8%-ით.
ცხრილი – საშუალო თვიური ხელფასი 2017 წლის მესამე კვარტალში (ლარებში)
| 2016, III კვარტალი | 2017, III კვარტალი | ზრდა |
სულ | 981 | 1069 | 9.0% |
მშენებლობა | 1460 | 2000 | 36.9% |
საფინანსო საქმიანობა | 1613 | 1861 | 15.4% |
სამთომოპოვებითი მრეწველობა | 1283 | 1338 | 4.3% |
ტრანსპორტი და კავშირგაბმულობა | 1243 | 1330 | 7.0% |
სახელმწიფო მმართველობა | 1362 | 1296 | -4.8% |
ელექტროენერგიის, აირისა და წყლის წარმოება და განაწილება | 1149 | 1224 | 6.5% |
ოპერაციები უძრავი ქონებით | 1122 | 1222 | 8.8% |
ჯანმრთელობის დაცვა | 912 | 958 | 5.1% |
ვაჭრობა, ავტომობილების, საყოფაცხოვრებო ნაწარმის რემონტი | 869 | 936 | 7.6% |
დამამუშავებელი მრეწველობა | 839 | 919 | 9.5% |
კომუნალური და პერსონალური მომსახურების გაწევა | 810 | 839 | 3.5% |
სასტუმროები და რესტორნები | 759 | 819 | 7.9% |
სოფლის მეურნეობა | 592 | 743 | 25.5% |
განათლება | 523 | 566 | 8.1% |
წყარო: საქსტატი
დატოვე კომენტარი
