საერთაშორისო სავალუტო ფონდი ვარაუდობს,რომ მსოფლიო ეკონომიკა 2016 წელს 3,4%ით გაიზრდება.”ეკონომიკური ზრდის დინამიკა გაუმჯობესდება : 2015 წლის 3,1%-დან 2016 წელს 3,4%-მდე, ხოლო 2017-ში – 3,6%-მდე გაიზრდება”, – განაცხადა ფონდის ხელმძღვანელმა, კრისტინ ლაგარდმა დავოსის ეკონომიკურ ფორუმზე.
საერთაშორისო სავალუტო ფონდში მსოფლიო ეკონომიკური ზრდის შემაფერხებელ არსებულ მთავარ საფრთხეებზე საუბრობენ. როგორც კრისტინ ლაგარდი აცხადებს, ჩინეთის ეკონომიკაში მიმდინარე ძვრები, დაბალი სასაქონლო ფასები და მსოფლიოში ცენტრალური ბანკების მონეტარული პოლიტიკა გლობალური ეკონომიკის მთავარ საფრთხეებს წარმოადგენს.
დატოვე კომენტარი
