საქართველოს სტატისტიკის ეროვნული სამსახურის ინფორმაციით, 2015 წლის მეოთხე კვარტალში დაქირავებით დასაქმებულთა საშუალო თვიურმა ხელფასმა 1012 ლარი შეადგინა. 2015 წლის მესამე კვარტალთან შედარებით საშუალო ხელფასი 9%-ით გაიზარდა, ხოლო 2014 წლის მეოთხე კვარტალთან შედარებით 6.5%-ით არის გაზრდილი.
2015 წლის მეოთხე კვარტალში ყველაზე მაღალი საშუალო ხელფასი დაფიქსირდა საფინანსო სექტორში – 1549 ლარი. მეორე ადგილზეა მშენებლობა – 1522 ლარით, ხოლო მესამეზე სახელმწიფო მმართველობაა – 1450 ლარით. ყველაზე დაბალი ხელფასი კი ისევ განათლების სფეროშია – თვეში საშუალოდ 541 ლარი. 2014 წლის მე-4 კვარტალთან შედარებით, საშუალო თვიური ხელფასი ყველაზე მეტად მშენებლობაში გაიზარდა – 180 ლარით, 90 ლარით არის გაზრდილი სახელმწიფო მმართველობაში.
ცხრილი – საშუალო თვიური ხელფასი 2015 წლის მე-4 კვარტალში (ლარებში):
სექტორები | საშუალო ხელფასი |
საფინანსო საქმიანობა | 1549 |
მშენებლობა | 1522 |
სახელმწიფო მმართველობა | 1450 |
ტრანსპორტი და კავშირგაბმულობა | 1284 |
სამთომოპოვებითი მრეწველობა | 1284 |
ოპერაციები უძრავი ქონებით | 1248 |
ელექტროენერგიის, აირისა და წყლის წარმოება და განაწილება | 1170 |
დამამუშავებელი მრეწველობა | 892 |
ჯანმრთელობის დაცვა | 883 |
ვაჭრობა | 877 |
სოფლის მეურნეობა | 692 |
სასტუმროები და რესტორნები | 648 |
განათლება | 541 |
