საქართველოს ბანკის და Miami Ad School Europe ნიკა გუჯეჯიანის სახელობის სტიპენდიის მიღება მსოფლიოს საუკეთესო კრეატიულ სკოლაში სწავლის მსურველებს წელსაც შეუძლიათ. საქართველოს ბანკის ინიციატივითა და ფინანსური მხარდაჭერით ყოველ წელს ერთ ქართველ სტუდენტს პროგრამაზე სწავლა გერმანიაში სრულად უფინანსდება.
2 წლიანი პროგრამის გავლა შემდეგი მიმართულებებითაა შესაძლებელი: Art Direction, Copywriting, Creative Technology. შესარჩევ კონკურსში მონაწილეობის მსურველებმა 31 აგვისტომდე უნდა გადააგზავნონ საკუთარი ნამუშევრები Miami Ad School-ში.
დამატებითი დეტალები სააპლიკაციო პროცესის შესახებ ხელმისაწვდომია შემდეგ ბმულზე: www.miamiadschool.de
ინფორმაციისთვის, საქართველოს ბანკისა და Miami Ad School Europe-ის თანამშრომლობა 2019 წელს დაიწყო, როდესაც ნიკა გუჯეჯიანის (საქართველოს ბანკის ყოფილი თანამშრომელის და Miami Ad School Europe-ის კურსდამთავრებულის) სახელობის სტიპენდია დაწესდა. აღნიშნული ერთ-ერთია იმ განათლების მხარდამჭერი პროექტებიდან, რომელსაც საქართველოს ბანკი კორპორაციული სოციალური პასუხისმგებლობის ფარგლებში ახორციელებს. 2020 წელს პირველი სტიპენდიანტი ხატია არველაძე გახდა, რომელიც ბერლინში Art Direction-ის პორტფოლიო პროგრამაზე აგრძელებს სწავლას. სასტიპენდიო პროგრამის შესახებ სრული ინფორმაცია შეგიძლიათ იხილოთ შემდეგ ბმულზე: www.bankofgeorgia.ge
დატოვე კომენტარი
